Un panel sular l‘è fai da cell fotovoltaich che, tacaa insema, ai fa un modul che l’è quel che al trasfurma la lüs dal suu in energia eletrigha.

Ul suu al riva sul material semicundütor dal modul, che da regula l’è fai da silicio, e al fa visigà i eletron in sui bord fin che ai prudüsan curent che la passa pö in di atum dal silicio.

L’energia eletrigha, quando la vegn föra dal modul, la passa in un inverter che la mudifica e la fa diventà curent alternada, prunta par ul cunsum. Se ga n’è da tropp la vegn misürada da un cuntör e metüda in da la ret: l’uficina eletrigha a la paga indré.

I panei a iè vün par vün e ai pò vess tacaa insema cuma sa vör, a segunda di esigenz da ognün e/o duva sa vör piazzai.